“Sosial dəstək” layihəsinin açılış tədbiri keçirilib

“Sosial dəstək” layihəsinin açılış tədbiri keçirilib

Məktəblilərin təlim nəticələrinin artırılmasına “Sosial dəstək” layihəsinin açılış tədbiri keçirilib.

“Azərbaycan müəllimi” xəbər verir ki, Lənkəran şəhər A.Məhərrəmov adına 7 nömrəli tam orta məktəbdə təşkil olunan tədbirdə Lənkəran-Astara Regional Təhsil İdarəsinin müdir müavini Rəhim Rəhimov, Lənkəran rayonu üzrə Təhsil Sektorunun aparıcı məsləhətçisi Cəmil Axundzadə, layihənin eksperti Samir Salayev, digər ümumtəhsil müəssisələrinin rəhbərləri, müəllimlər, şagirdlər, valideynlər, mətbuat nümayəndələri və digər qonaqlar iştirak ediblər.

Layihə çərçivəsində məktəbin sosial rifah halı aşağı olan 32 nəfər şagirdinin təlim nəticələrinin artırılmasına dəstək olmaq məqsədilə məktəbli forması, çanta və ayaqqabı ilə təmin ediləcək. Layihənin davamlılığını təmin etmək üçün həmin şagirdlərin valideynlərini işlə təmin olunması da nəzərdə tutulub. Bu məqsədlə layihə Dövlət Məşğulluq Agentliyinin Lənkəran-Astara Regional Məşğulluq filialı ilə səmərəli əməkdaşlıq münasibətlərinin qurulması istiqamətində məqsədyönlü tədbirlər həyata keçiriləcək.

Xatırladırıq ki, məktəblilərin təlim nəticələrinin artırılmasına “Sosial dəstək” qrant layihəsi Lənkəran şəhər A.Məhərrəmov adına 7 nömrəli tam orta məktəbin təlim-tərbiyə işləri üzrə direktor müavini Gülnar Nəcəfova tərəfindən icra olunur.