İranda bütün təhsil müəssisələri distant təhsilə keçir

16 Aprel 2026 17:15 |
Kateqoriya : ORTA TƏHSİL |
76

İranda bütün təhsil müəssisələri distant təhsilə keçir

İranda bütün təhsil müəssisələrinin fəaliyyətinin distant formada davam etdirilməsi barədə qərar qəbul olunub.

“Azərbaycan müəllimi” xəbər verir ki, ölkənin Təhsil Nazirliyinin açıqlamasına görə, qərar aprelin 21-dən etibarən qüvvəyə minir və növbəti bildirişədək davam edəcək.

Bildirilib ki, yeni qərar ölkə üzrə bütün təhsil səviyyələrini – ibtidai, orta və ali təhsil müəssisələrini əhatə edir. Dərslər tam şəkildə onlayn formatda təşkil olunacaq.

Nazirlik rəsmisi Əli Fərhadinin sözlərinə görə, ənənəvi (əyani) tədrisin bərpası ilə bağlı qərar qəbul edilərsə, bu barədə şagirdlər və valideynlər ən azı 3 gün əvvəl məlumatlandırılacaq.

Qərarın ölkədə davam edən müəyyən çətinliklər, o cümlədən internet bağlantısı ilə bağlı problemlər fonunda qəbul edildiyi bildirilsə də, əlavə detallar açıqlanmayıb.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Rektor: İnklüziv təhsil ali məktəblərin qarşısına ciddi vəzifələr qoyur

Sonrakı Xəbərlər Naxçıvan Musiqi Kollecinin tələbəsinin fərdi sərgisi keçirilib