Duyğuları ilə duyan və danışan uşaqların məktəbi - VİDEO

Baku TV sağlamlıq imkanları məhdud uşaqlar üçün 3 nömrəli Respublika xüsusi internat məktəbindən reportaj hazırlayıb.

"Azərbaycan müəllimi"nin məlumatına görə, məktəbin direktoru Tariyel Əkbərov qeyd edib ki, burada 553 şagird təhsil alır. Onların təlim-tərbiyəsi ilə 182 müəllim məşğul olur.

83 sinifdən ibarət olan məktəbdə uşaqlar üçün yeməkxana və yataqxana da fəaliyyət göstərir.

Burada hər bir uşağa xüsusi münasibət göstərildiyini vurğulayan məktəbin direktor müavini Günay Ağayeva söyləyib ki, onlar müəllimlərini öz anaları kimi qəbul edib, sevirlər:

"Müəllimlərimiz onlara ilk dəfə burada işarət dili ilə ana, ata kəlmələrini başa salırlar. Bizim üçün özgə övladı yoxdur. Onların hamısını öz övladımız kimi sevirik. Doğum günlərini də burada qeyd edirik, nə şərait lazımdırsa, yaradırıq".

Duyğuları ilə duyan və danışan uşaqların məktəbi - VİDEO

Oxşar Xəbərlər