Azərbaycanlı tələbələr HTP çərçivəsində hansı ölkələrdə təhsil ala bilirlər?

28 Oktyabr 2024 20:01 |
Kateqoriya : ALİ TƏHSİL |
301

Hökumətlərarası müqavilələr çərçivəsində Azərbaycan Respublikası (AR) vətəndaşlarının xaricdə təhsili digər ölkələr tərəfindən vətəndaşlarımız üçün və ya qarşılıqlı olaraq ayrılan təqaüd yerləri üzrə həyata keçirilir.

Bu barədə “Azərbaycan müəllimi”nin sorğusuna cavab olaraq Elm və Ali Təhsil üzrə Dövlət Agentliyindən məlumat verilib.

Bildirilib ki, hazırda Çin, Latviya, Macarıstan, Qazaxıstan, Rumıniya, Rusiya, Tacikistan, Türkiyə, Slovakiya kimi ölkələr ilə təhsilin müxtəlif səviyyələrində Hökumətlərarası Təqaüd Proqramı (HTP) mövcuddur.

Cari tədris ilində ümumilikdə 400-ə yaxın Azərbaycan Respublikası vətəndaşı təhsilin müxtəlif səviyyələrində yuxarıda adıçəkilən ölkələrin nüfuzlü ali təhsil müəssisələrində təhsil almaqdadır. Onlar əsasən humanitar və sosial, iqtisadiyyat və idarəetmə, texniki və texnoloji ixtisas istiqamətləri üzrə təhsil alırlar.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Azərbaycanda xarici tələbələrin sayı rekord həddə çatıb

Sonrakı Xəbərlər “Elsevier” və “Clarivate”in Bakıda birgə keçirdiyi elmmetriya üzrə mütəxəssis hazırlıq proqramı yekunlaşıb