“Elsevier” və “Clarivate”in Bakıda birgə keçirdiyi elmmetriya üzrə mütəxəssis hazırlıq proqramı yekunlaşıb

“Elsevier” və “Clarivate”in Bakıda birgə keçirdiyi elmmetriya üzrə mütəxəssis hazırlıq proqramı yekunlaşıb

“Elsevier” və “Clarivate” şirkətlərinin ilk dəfə birgə həyata keçirdiyi 4 aylıq elmmetriya üzrə mütəxəssis hazırlıq proqramı yekunlaşıb.

“Azərbaycan müəllimi” xəbər verir ki, Elm və Ali Təhsil üzrə Dövlət Agentliyinin dəstəyi ilə “Elsevier” və “Clarivate” şirkəti, tarixdə ilk dəfə, birgə elmmetriya üzrə mütəxəssis hazırlıq proqramı həyata keçirib.

Proqramın məqsədi ölkədə “Scopus” və “Web of Science” kimi elmmetrik və bibliometrik bazaları ekspert səviyyəsində tətbiq edə biləcək mütəxəssislər yetişdirmək idi.

Hazırlıq proqramına 150 nəfər müraciətçi arasından seçilən 70 nəfər iştirakçı qatılsa da, proqramı uğurla bitirən və “Elsevier” və “Clarivate” şirkətlərinin birgə sertifikatını əldə edə bilən mütəxəssis sayı 28 olub.

Qeyd edək ki, proqramı müvəffəqiyyətlə bitirən şəxslər elmi göstəricilərin ölçülməsini daha dəqiq aparacaq, tədqiqatçılara ədəbiyyat axtarışlarında dəstək göstərəcək, elmi işlərin dərci üçün keyfiyyətli jurnal seçiminə öz töhvələrini verəcəklər.