Distant təhsil - təhsilin keyfiyyətinə təsirinin xüsusiyyəti

   Distant təhsil  təhsilin keyfiyyətinə təsirinin xüsusiyyəti.   

       Millətimizin sabahı “ dedimiyiz uşaqlar həyatımızın gələcəyi , ömrümüzün davamıdır ” . Təhsilimizin daha da inkişafı üçün əlimizdən gələni etməliyik ! Bunun üçün də digər təhsil formalarına inteqrasiya etməliyik . Bu təhsil formalarından biri Distant təhsildir .

      Distant təhsilin , təhsilimizdə necə rol oynadığını müəyyən etmək üçün şagirdlər arası sorğu keçirdik . Sorğuda təxminən 150 nəfərə yaxın şagird və müəllim iştirak etmişdir . Sorğuda 98 nəfər əyani təhsili , ( bu ümumi iştirakçıların 68%’ni əhatə edir ) .  34 nəfər distant təhsili , ( bu iştirakçıların 24%’ni əhatə edir) . 12 nəfər isə təhsil almanın digər növünü ( 8% ) seçmişdir . Ümumiyyətlə , belə nəticəyə gəlirik ki , ölkəmizdə distant təhsilə maraq bir o qədər də ürək açan deyil . Bunun da səbəbi bəzi çatışmazlıqlardır.

İndi isə “ Niyə distant təhsil hələ də təhsilimizdə böyük rol oynaya bilmir ?” bunu araşdıraq . Bunun üçün Distant təhsilin təhsilimizdə mənfi və müsbət cəhətlərini qeyd edək .

Əvvəlcə , distant təhsilin təhsilimizdə müsbət cəhətlərini qeyd edək .

-Şagirdlər və müəllimlər arasında sorğu keçirdik . Bu zaman distant təhsilin ən böyük üstünlüyündən birini , yəni “ vaxt itkisinin aradan götürülməsini “ qeyd olunmuşdur.

- Şagirdlər  arasında sorğu keçirdiyimiz zaman  distant təhsil vasitəsilə onlar kifayət qədər həm vaxta, həm də büdcəyə qənaət edə bilirlər , yəni bəzi Şagirdlər  vardır ki ,sırf büdcə baxımından təhsildən geri qalırlar . 

- Distant təhsil vasitəsilə digər təhsil formalarına da inteqrasiya etmək olur .

- Distant təhsil formasından istifadə edərək ölkəmizdə telekommunikasiya xidmətləri daha da inkişaf etmişdir . 

- Pandemiya şəraitində distant təhsilə keçid olunduğu üçün , bu hal distant təhsilə müəyyən mənada maraq oyatmışdır . Artıq ölkəmizdə sürətli şəkildə olmasa belə distant təhsilə maraq yaranmışdır .

- Distant təhsilin digər üstün cəhətlərindən biri də müəyyən qədər vəsait , yatırım etdikdən sonra həmin vəsaitin daha da çoxaldıla bilməsidir .

- Distant təhsilin digər üstün cəhətlərindən biri də müəyyən qədər vəsait , yatırım etdikdən sonra həmin vəsaitin daha da çoxaldıla bilməsidir . 

- Distant təhsilin müsbət cəhətindən biridə istənilən zaman , istənilən yerdə kompüter və yaxuda telefon vasitəsilə dərslərə qoşulmaq mümkündür.

Distant təhsilin müsbət cəhətləri olduğu kimi bir o qədər də mənfi cəhətləri vardır .

- Distant təhsilin ən böyük mənfi cəhətlərindən biri internet problemidir . Bu hal şagirdlər , tələbələr və digər şəxslərin problem obyektidir . Bunun səbəbi isə ölkəmizin bölgələrində internet xəttinin olmaması , olsa belə internet sürətinin zəif olmasıdır .

- Şagirdlər arasında keçirdiyimiz sorğu zamanı şagirdlərin daha çox şikayəti distant təhsil zamanı özlərində məsuliyyətin olmamasından və həmçinin müəllimlə məsafədən dialoq qura bilmədiklərindən idi. 

- Ölkəmizdə distant təhsil ilə məşğul ola biləcək kadr potensialı azdır . Demək olar ki , bu işdə mütəxəssis sayılacaq qədər az müəllim vardır .

- Yetərincə zəngin elektron kitabxanaların olmaması da bir sıra problemlərə gətirib çıxarır . Bunun üçün ilk öncə zəngin elektron kitabxana yaradılmalıdır . Başlıca olaraq isə savadlı mütəxəssis olması şərtdir ki , kitabxana saytını hazırlasın və bütün dərslik materialları həmin kitabxana da olsun və şagirdlər asanlıqla ondan istifadə edə bilsinlər .

-Daha sonra isə distant təhsilin mənfi cəhətlərindən biri də şagirdlərin ( tələbələrin , müəllimlərin və s . ) uzun müddət məcburi şəkildə kompüter , telefon texnologiyası ilə məşğul olduqda sağlamlıqlarına mənfi təsirlərin olmasıdır .

        Nəticə etibarı ilə şagirdlər, tələbələr və müəllimlər arasında keçirdiyimiz sorğu zamanı daha çox nəzərə çarpan nüanslar bunlar olmuşdur :  1 . Ölkəmizin bütün bölgələri vacib olaraq internet şəbəkələri ilə təmin olunmalıdır . 2 . Eyni zamanda elə proqram hazırlanmalıdır ki , bütün şagirdlər və müəllimlər ondan düzgün istifadə qaydasını bilsin . Məlumdur ki , distant təhsil aldığımız zaman biz praktik fənləri yaxşı öyrənə bilmirik , lakin bunun da həlli yolu var .  Belə ki , zəif internet sürəti olsa da , elə proqram hazırlaya bilərik ki , riyazi proqramlardan rahat istifadə edilsin .   Apardığımız sorğu zamanı məlum oldu ki , hal-hazırda ölkəmizdə distant təhsili dəstəkləyən çox az insan vardır . Daha çox əyani təhsil tərəfdarları üstünlük təşkil edir . Mən də bu fikirə qoşuluram . Həqiqətəndə , ölkəmiz distant təhsilə hazır deyil . Ümumiyyətlə , fikrimcə , yaxşı olar ki , distant təhsilə ehtiyac olmadıqca bu təhsil forması həyata keçirilməsin.

       Sevanə Əmrahova Nahid qızı 

    Riyaziyyat və İnformatika müəlliməsi ,kompüter kursu üzrə təlimçi