“Azkomplektli siniflərdə tədrisin təşkili” mövzusunda təlimlər keçirilib

“Azkomplektli siniflərdə tədrisin təşkili” mövzusunda təlimlər keçirilib

ARTİ-nin Təhsilverənlərin peşəkar inkişafı mərkəzi tərəfindən İmişli, Beyləqan, Sabirabad, Saatlı rayonlarında mövcud olan azkomplektli məktəblər üzrə “Azkomplektli siniflərdə tədrisin təşkili” mövzusunda təlimlər həyata keçirilib.

“Azərbaycan müəllimi” xəbər verir ki, 3-6 mart tarixlərində onlayn formatda baş tutan təlimlərin məqsədi qeyd edilən rayonların ucqar kənd məktəblərində fəaliyyət göstərən müəllimlərə metodik dəstəyin verilməsi, onların peşəkarlıq səviyyələrinin artırılması olub. ARTİ-nin əməkdaşı Gülbəniz Abdullayeva tərəfindən aparılan təlimlərdə azkomplektli siniflərin üstünlükləri, təlim strategiyasının düzgün seçilməsi, diferensial təlim üsulları, azkomplektli sinifdə öyrədici (inkişafetdirici) mühitin yaradılması qaydaları, bu tip siniflərdə planlaşdırılmanın aparılması və s. kimi mövzular tədris edilib.

Qeyd edək ki, ARTİ tərəfindən müəllimlərə metodik dəstək məqsədli təlimlər mütəmadi olaraq təşkil edilməkdir.