"Yaşıl İnnovasiyaların dəstəklənməsi" mövzusunda startap müsabiqəsi keçirilib

"Yaşıl İnnovasiyaların dəstəklənməsi" mövzusunda startap müsabiqəsi keçirilib

SABAH.HUB və Azərbaycan Beynəlxalq Bankının tərəfdaşlığı ilə "Yaşıl İnnovasiyaların dəstəklənməsi" mövzusunda startaplar arasında müsabiqə keçirilib.

"Azərbaycan müəllimi" xəbər verir ki, tədbir ABB-nin Baş direktorunun müavini və Baş transformasiya direktoru Taleh Tahirli ilə SABAH.HUB-ın icraçı direktoru Rəhim Bayramlının çıxışı ilə başlayıb. Onlar beynəlxalq əməkdaşlığın qlobal problemlərin həllində vacib rolunu, texnologiya və innovasiyaların inkişafda yaratdığı inqilabi təsirləri və dayanıqlı gələcək qurmaq üçün qarşımızda duran prioritet məqsədləri vurğulayıblar.

Açılış nitqlərindən sonra tədbir iştirakçıları öz startaplarını təqdim edərək, iqlim texnologiyaları və yaşıl innovasiyalar sahəsində unikal yanaşma və həllərini nümayiş etdiriblər.

Beynəlxalq investorlar və tədbir iştirakçıları tərəfindən keçirilən qiymətləndirmə nəticəsində qalib 3 startap seçilib:

1-ci yer – Qaptis;

2-ci yer – Growz;

3-cü yer – Evercity.

Bir neçə startap lazımi qiymətləndirmə prosesindən keçəcək və qiymətləndirilmə müvəffəqiyyətlə başa çatdığı təqdirdə, qısa müddət ərzində ABB və SABAH.fund-dan investisiya alacaqlar.