“Elsevier” və “Informascope” şirkətlərinin nümayəndələri BANM-də təlim keçiblər

“Elsevier” və “Informascope” şirkətlərinin nümayəndələri BANM-də təlim keçiblər

“Elsevier” şirkətinin Azərbaycan, Türkiyə və Mərkəzi Asiya üzrə regional tərəfdaşı olan “Informascope” şirkətinin nümayəndəsi Ümit Yontar və “Elsevier” şirkətinin nümayəndəsi Sergey Varnavskiy Bakı Ali Neft Məktəbinə (BANM) səfər ediblər.

Bu barədə “Azərbaycan müəllimi”nə BANM-dən məlumat verilib.

Bildirilib ki, səfər çərçivəsində BANM əməkdaşları üçün elmi informasiya resurslarının tətbiqi və beynəlxalq elmi əməkdaşlığın inkişafı məqsədilə təlim keçirilib. BANM-ın rəhbərlik yanında aparatın elmi katibi, kimya elmləri doktoru, dosent İlhamə Zərbəliyeva açılış nitqi ilə çıxış edib.

Daha sonra “Knovel” və “Reaxys” üzrə təqdimat baş tutub.

Təlimdə BANM-lə yanaşı, Fövqəladə Hallar Nazirliyinin Akademiyası, Bakı Mühəndislik Universiteti və AMEA-nın akademik Yusif Məmmədəliyev adına Neft-Kimya Prosesləri İnstitutunun alim və tədqiqatçıları iştirak ediblər.