BMU Pekin İnşaat Mühəndisliyi və Memarlıq Universiteti ilə əməkdaşlıq edəcək

BMU Pekin İnşaat Mühəndisliyi və Memarlıq Universiteti ilə əməkdaşlıq edəcək

Bakı Mühəndislik Universiteti (BMU) Çin Xalq Respublikasının daha bir ali təhsil ocağı – Pekin İnşaat Mühəndisliyi və Memarlıq Universiteti (BUCEA) ilə əməkdaşlıq edəcək. İki universitet arasında əlaqələrin qurulması barədə ilkin razılıq BMU nümayəndə heyətinin Çinə səfəri zamanı əldə olunub.

Bu barədə universitetdən “Azərbaycan müəllimi”nə məlumat verilib. Bildirilib ki, səfər zamanı BMU-nun beynəlxalq əlaqələr üzrə prorektoru Ətrabə Gül və BUCEA-nın prorektoru Çen Zhaohui arasında keçirilən görüşdə əməkdaşlığı dərinləşdirmək və akademik əlaqələri inkişaf etdirməyin əhəmiyyəti vurğulanıb. Bu əməkdaşlığın BMT-nin Davamlı İnkişaf Məqsədlərinin (SDG) 4-cü (keyfiyyətli təhsil) və 17-ci istiqamətləri (ortaq həll yolları və əməkdaşlıq) dəstəklədiyi ifadə olunub. Eyni zamanda iki universitet arasında Anlaşma Memorandumunun imzalanması haqqında müzakirələr aparılıb.

BMU nümayəndə heyəti BUCEA tərəfindən təşkil olunan “2025 Beynəlxalq Ağıllı Şəhərlər və İpək Yolu Gənclər Sinerjisi Yay Məktəbi”nin bağlanış mərasimində də iştirak edib. Tədbirdə Çin Xalq Respublikasının Mənzil və Şəhər-Rustem İnkişaf Nazirliyinin (MOHRUD) Baş Ofisinin direktoru Yu Shanchuan yay məktəbini uğurla başa vuran tələbələri təbrik edərək onlara səmimi arzularını çatdırıb.