Salyanda “Məni özün bil!” qrant layihəsi icra olunmağa başlayıb

Salyanda “Məni özün bil!” qrant layihəsi icra olunmağa başlayıb

VIII qrant müsabiqəsində qalib gəlmiş “Məni özün bil!” layihəsinin açılışında Şirvan-Salyan Regional Təhsil İdarəsinin və Salyan rayonu üzrə Təhsil Sektorunun nümayəndələri, layihəyə cəlb olunacaq məktəblərin direkorları, psixoloq və Uşaq Birliyi Təşkilatının rəhbərləri, şagirdlər və digər qonaqlar iştirak ediblər.

“Azərbaycan müəllimi” xəbər verir ki, layihə çərçivəsində hər qrupa dörd gün, gündə 2 saat olmaqla, ümumilikdə 8 saatlıq təlim keçiriləcək. Təlimlər hər qrupda 15 nəfər – 6, 7 və 8-ci siniflərdə təhsil alan şagird və 3 psixoloq (digər qrupda 3 UBTR) olmaqla 2 qrupla təşkil olunacaqdır.

Xatırladırıq ki, layihə Elnarə Güləliyeva tərəfindən icra olunur. Layihənin əsas məqsədi 12-15 yaşlı şagirdlərə bullinq haqqında məlumat vermək, şagirdlərin özgüvənini inkişaf etdirmək , empatiya hissini gücləndirməklə zorakılıq halında başqalarına necə dəstək ola biləcəklərini öyrətməkdir.