AzMİU-da “Ağıllı şəhər texnologiyaları” adlı təlim keçirilib

AzMİU-da “Ağıllı şəhər texnologiyaları” adlı təlim keçirilib

Azərbaycan Memarlıq və İnşaat Universitetinin (AzMİU) dəstəyi, 4 saylı Bakı "Asan xidmət" mərkəzinin təşkilatçılığı ilə "Şəhər infrastrukturunun rəqəmsallaşdırılması – Ağıllı şəhər texnologiyaları” təlimi baş tutub.

Universitetdən “Azərbaycan müəllimi”nə bildirilib ki, layihə çərçivəsində iştirakçılar “ağıllı şəhər” anlayışının mahiyyəti, müasir texnoloji həllərin şəhər infrastrukturuna inteqrasiyası, dayanıqlı inkişaf və ekoloji effektivlik kimi mövzular üzrə geniş biliklər əldə ediblər.

Əsas məqsədi tələbələrin müasir texnologiyalara marağının artırılması, onların rəqəmsal bacarıqlarının təkmilləşdirilməsi və əldə etdikləri nəzəri bilikləri praktiki müstəvidə tətbiq etmələrinə şərait yaratmaqdır. 

Bu cür tədbirlər gənclərin innovativ yanaşma qabiliyyətini inkişaf etdirməklə yanaşı, ölkəmizdə “ağıllı şəhər” ekosisteminin formalaşmasına töhfə verəcək gələcək mütəxəssislərin yetişdirilməsində mühüm rol oynayır.