ABŞ alimləri beyin dalğalarını skan etmək üçün elektron "döymələr" tətbiq ediblər

ABŞ alimləri beyin dalğalarını skan etmək üçün elektron "döymələr" tətbiq ediblər

Kaliforniya Universiteti və Texas Universitetinin amerikalı tədqiqatçıları müvəqqəti elektron döymələrdən istifadə edərək beyin dalğalarını ölçmək üçün innovativ texnologiya inkişaf etdiriblər.

“Azərbaycan müəllimi” xəbər verir ki, bu barədə “Cell Biomaterials” (CBM) jurnalında dərc olunan məqalədə məlumat verilir.

Mühəndislər komandası bu yeni araşdırmada baş dərisinin xüsusi sahələrinə keçirici materialdan olan mürəkkəb tətbiq edən robotlaşdırılmış 3D printer yaradıb. Hazırda bu proses təxminən bir saat çəkir, lakin onun 20 dəqiqəyə qədər sürətləndirilməsi potensialı mövcuddur.

Mürəkkəb quruduqdan sonra 30 mikrometr qalınlığında, insan saçının enindən iki dəfə nazik bir təbəqə yaranır və buna elektron döymə deyilir.

Ənənəvi elektrodlar kimi bu elektron rəsmlər də beyin fəaliyyətini skan edə bilir.
Keçirilən sınaqlar göstərib ki, elektron döymələr iştirakçıların başlarında qalaraq beyin fəaliyyətini tam bir gün ərzində qeydə alıb, standart elektrodlar isə altı saatdan uzun müddət işləməyib. Sınaqların sonunda keçirici pasta ilə çəkilən şəkillər, spirtli salfet və ya adi şampun vasitəsilə asanlıqla silinib.

Tədqiqatçılar gələcəkdə bir neçə məsələni planlaşdırırlar:

* Yuxu zamanı beyin fəaliyyətini ölçə bilən daha davamlı formulalar inkişaf etdirməyi və bunun yastıqla təmasda silinməməsini təmin etmək
* Xüsusi yun başlıqlar vasitəsilə pişiklərin beyin fəaliyyətini skan etmək üçün yeni texnologiyadan istifadə etmək.