Qazaxıstanın Avrasiya Milli Universitetinin əməkdaşları MEK-i ziyarət edib

Qazaxıstanın Avrasiya Milli Universitetinin əməkdaşları MEK-i ziyarət edib

Qazaxıstanın L.N. Qumilyov adına Avrasiya Milli Universitetinin əməkdaşları Azərbaycan Milli Elmlər Akademiyasının (AMEA) Mərkəzi Elmi Kitabxanasını (MEK) ziyarət edib.

Qonaqları kitabxananın rəqəmsallaşma, innovasiya və elektron xidmətlər üzrə direktor müavini, tar.ü.f.d. Oruc Quliyev qarşılayıb. Görüş zamanı O.Quliyev Mərkəzi Elmi Kitabxananın tarixi, zəngin fondu, rəqəmsallaşdırma imkanları və oxucular üçün yaradılmış müasir şərait barədə geniş məlumat verib.

Kitabxananın fəaliyyəti ilə yaxından tanış olan qazaxıstanlı qonaqlar, öncə MEK-in Qarabağ müharibəsi qəhrəmanları fondu, buradakı guşələr, toplanan dəyərli nəşrlər haqqında ətraflı məlumat alıblar. Daha sonra qonaqlar AMEA-nın təsisçilərinin büstləri, zəngin kolleksiyaların saxlandığı Akademiklər kitabxanası, eləcə də Diplomatik fondda müxtəlif ölkələrin diplomatik nümayəndəliyi tərəfindən MEK-ə hədiyyə edilən kitablardan ibarət guşə, Nadir kitablar və Xarici dillərdə ədəbiyyat fondu ilə tanış olublar.

AMEA-nın A.A.Bakıxanov adına Tarix və Etnologiya İnstitutunda elmi-tədqiqat təcrübəsi keçən qonaqlar, təmsil etdikləri ali təhsil ocağı haqqında məlumatları diqqətə çatdıraraq, göstərilən yüksək qonaqpərvərliyə görə MEK rəhbərliyinə təşəkkür ediblər.

Görüş zamanı gələcək əməkdaşlıq istiqamətləri ilə bağlı təkliflər irəli sürülüb.