Pedaqoji Kollecin tələbələri Mərkəzi Elmi Kitabxanada olublar

Pedaqoji Kollecin tələbələri Mərkəzi Elmi Kitabxanada olublar

Azərbaycan Dövlət Pedaqoji Universitetinin nəzdində fəaliyyət göstərən Pedaqoji Kollecin tələbələri AMEA-nın Mərkəzi Elmi Kitabxanasında (MEK) qonaq olublar. 
Ekskursiya çərçivəsində tələbələr kitabxananın strukturu, fondları, elektron xidmətləri və müasir informasiya resursları ilə yaxından tanış olublar.
Qonaqlar kitabxana ilə tanışlığa Sərgi salonundan başlayıblar. Tələbələr Ümummilli lider Heydər Əliyev, Azərbaycan Respublikasının Prezidenti İlham Əliyev və Birinci vitse-prezident Mehriban xanım Əliyevaya həsr olunmuş guşələr və digər sərgilərlə tanış olublar, həmçinin salonda nümayiş etdirilən AMEA əməkdaşlarının müəllifi olduğu təsviri sənət nümunələrinə baxıblar.
Kitabxananın əməkdaşları onlara Qarabağ müharibəsi qəhrəmanları fondu və AMEA təsisçilərinin büstləri, Diplomatik fond, Akademiklərin elektron zalı, eləcə də MEK-də tətbiq olunan innovativ xidmətlər haqqında ətraflı məlumat veriblər.
Sonda tələbələr müasir kitabxananın imkanlarından yararlanmağın tədris və elmi fəaliyyət üçün faydalı olacağını bildiriblər.