Kvant hesablaması üçün "Silikon Vadisi"nə bənzər texnologiya parkı yaradılacaq

Kvant hesablaması üçün "Silikon Vadisi"nə bənzər texnologiya parkı yaradılacaq

ABŞ-nin İllinoys ştatının Çikaqo şəhərində kvant hesabalamaları üçün "Silikon Vadisi"nə bənzər texnologiya parkı yaradılacaq.

"Azərbaycan müəllimi" xəbər verir ki, "İllinoys Kvant və Mikroelektronika Parkı" Çikaqodakı "Steel" şirkətinin əvvəllər 20 min nəfəri işə götürdüyü köhnə "South Works" sahəsində, 128 hektar ərazidə yerləşəcək.

Bu parkda əsas icarəçi olan "PsiQuantum" 1 milyon kvant bitindən (qubit) ibarət kvant kompüteri qurmağı planlaşdırır. Bu, şirkətin Avstraliyadakı "Brisbane" layihəsi ilə birlikdə ən güclü kvant kompüteri olmağı hədəfləyir.

"PsiQuantum" mikroelektronika və fotonika sahələrində mövcud infrastrukturdan istifadə edərək sürətli şəkildə geniş auditoriyalara çatmağı planlaşdırır. İnşaatın 2025-ci ilin əvvəlində başlaması gözlənilir.

Çikaqo Kvant Mübadiləsi rəhbəri Kate Waimey Timmerman bildirib ki, bölgədəki universitetlər və milli laboratoriyalarda bir neçə tədqiqat aparılır. Lakin bu tədqiqatlar özəl sektorda inkişaf etmədiyi və ya sahil bölgələrinə köçdüyü üçün iqtisadi inkişafda çətinliklər yaranır. "PsiQuantum" və digər şirkətlər bu boşluğu doldurmaq və bölgədə kvant sahəsində böyük inkişaf yaratmaq məqsədini güdürlər.

İllinoys ştatı layihəyə 500 milyon, Çikaqo şəhəri və "Cook County" hər biri 5 milyon dollar sərmayə qoyacaq. PsiQuantum şirkəti isə əlavə olaraq 200 milyon dollar subsidiya alaraq, 154 yeni iş yeri yaratmalıdır.

"PsiQuantum"un rəhbəri Stratton Sclavos kvant tətbiqlərinin tibb sahəsində, xüsusilə dərman istiehsalında geni.ş istifadə edilə biləcəyini qeyd edib: "Məsələn, bu gün klassik kompüterlər 200.000-ə qədər kimyəvi maddəni test edərək çox uzun müddətdə nəticələr əldə edirlər, amma kvant texnologiyası yüksək dəqiqliklə və qısa müddətdə bu maddələri təhlil edə bilər".

Qeyd edək ki, İllinoys ABŞ-də federal hökumət tərəfindən maliyyələşdirilən ən yaxşı 10 kvant tədqiqat mərkəzindən dördünə sahibdir, bunlara Çikaqo Universiteti, İllinoys Universiteti, Fermilab və Argonne Milli Laboratoriyası daxildir. Bu tədqiqat mərkəzlərinin gücü və IQMP parkının yaradılması bölgənin kvant texnologiyasında daha böyük inkişaflar əldə etməsini təmin edəcək.

Mənbə: https://www.msn.com/en-us/money/smallbusiness/chicago-wants-to-build-the-silicon-valley-of-quantum-computing/ar-AA1vfMqS?ocid=hpmsn&cvid=46472736ccc94f74fb4c47bbf56061cf&ei=41