Mərkəzi Elmi Kitabxanaya yeni daxil olan ədəbiyyatın sərgisi keçirilir

Mərkəzi Elmi Kitabxanaya yeni daxil olan ədəbiyyatın sərgisi keçirilir

AMEA-nın Mərkəzi Elmi Kitabxanasında fondlara yeni daxil olan ədəbiyyatın sərgisi təşkil olunub. Sərgidə müxtəlif elm sahələrini əhatə edən monoqrafiyalar, dərsliklər, ensiklopedik nəşrlər və xarici dillərdə çap edilmiş kitablar nümayiş etdirilir.

Nəşrlərin sırasında “Suverenliyin zəfər yolu: reallaşan ideyalar, hüquqi əsaslar, siyasi paralellər”, “Qarabağ və Şərqi Zəngəzur. Geologiya və mineral resurslar”, “Biotorpaq: Elmlə yaşayn kənd təsərrüfatı” mövzusunda Respublika elmi-praktik konfransın materialları, “Ortodontiya. Təməl biliklər”, “Rəqəmsal ödənişlər və elektron bankçılıq xidmətləri”, “İdarəetmə nəzəriyyəsi”, “İqtisadi-riyazi modellər və üsullara aid məsələlər, alqoritmlər və proqramlar”, “Kənd təsərrüfatı terminlərinin izahlı lüğət” və digərləri var. Bundan əlavə, Azərbaycan xalqının Ümummilli Lideri Heydər Əliyevin mənalı həyat yolu və zəngin dövlətçilik irsi, ölkəmizə rəhbərliyi dövrlərdə xalqımız və dövlətimiz qarşısında misilsiz xidmətləri, ədliyyə sisteminə daim diqqət və qayğısı, Ulu Öndərin siyasi kursunun Prezident İlham Əliyev tərəfindən uğurla davam etdirilərək qazanılan yüksək nailiyyətlər və parlaq qələbələr barədə məlumatların öz əksini tapdığı “Heydər Əliyev və Azərbaycan ədliyyəsi” kitabı da sərgidə nümayiş etdirilir.

Qeyd edək ki, sərginin məqsədi oxucuları kitabxananın yenilənən resursları ilə yaxından tanış etmək, elmi araşdırmalara marağı artırmaq, elmi mühitdə məlumat mübadiləsini gücləndirmək və tədqiqatçılar üçün aktual mənbələrə əlçatanlığı artırmaqdır.

Sərgi iki həftə müddətində davam edəcək.