MEK “Xalq şairi Nəriman Həsənzadə - 95” adlı kitab sərgisi hazırlayıb

MEK “Xalq şairi Nəriman Həsənzadə - 95” adlı kitab sərgisi hazırlayıb

AMEA-nın Mərkəzi Elmi Kitabxanasında (MEK) müasir Azərbaycan ədəbiyyatının görkəmli nümayəndələrindən biri, Xalq şairi, Azərbaycan Yazıçılar Birliyi Ağsaqqallar Şurasının sədri, Əməkdar incəsənət xadimi, dramaturq və ictimai xadim Nəriman Həsənzadənin anadan olmasının 95 illiyi münasibətilə “Xalq şairi Nəriman Həsənzadə - 95” adlı kitab sərgisi təqdim olunub.

Sərgidə şairin şeirləri, poemaları, pyesləri, elmi, ədəbi-tənqidi əsərləri, müəllifi olduğu dərsliklər,  tərcümələri, tərtibçi, ön söz müəllifi, məsləhətçi, rəyçi və redaktoru olduğu kitablar,  həmçinin  Nəriman Həsənzadənin həyatı, dramaturgiyası, lirikası haqqında dəyərli nəşrlər nümayiş olunur.

Sərgilənən nəşrlər sırasında “Nəriman”, “Zümrüd quşu”, “Kimin sualı var?”, “Atabəylər”, “Seyid Nigari türbəsi”, “Mənim nikahımı pozdu təbiət”, “Seçilmiş əsərləri” (7 cilddə), “Yaşamaq gözəl şeydir, qardaşım”, “Könlüm şeir istəyir”, “Bir az möhlət istəyirəm ömürdən”, “Nabat xalanın çörəyi” və başqaları yer alır.

Sərgi iki həftə müddətində davam edəcək.