LDU-da imtahan sessiyasına hazırlığın vəziyyəti müzakirə edilib

Lənkəran Dövlət Universitetində (LDU) Elmi Şuranın son iclası keçirilib. 

Universitetdən “Azərbaycan müəllimi”nə bildirilib ki, LDU-nun rektoru, şuranın sədri Natiq İbrahimov “Azərbaycan Hava Yolları” şirkətinə məxsus Bakı-Qroznı istiqamətində uçan sərnişin təyyarəsinin qəzaya uğraması nəticəsində həlak olanların ailələrinə dərin hüznlə başsağlığı verib, xəsarət alanların tezliklə şəfa tapmasını diləyib. Sərnişin təyyarəsinin qəzaya uğraması nəticəsində həlak olanların xatirəsi Elmi Şuranın üzvləri tərəfindən bir dəqiqəlik sükutla yad edilib.

Elmi şurada müzakirə edilən ilk məsələ “2024/2025-ci tədris ilinin payız semestrinin imtahan sessiyasına hazırlığın vəziyyəti. Kollokviumların yekun nəticələri” olub. Bu barədə tədrisin təşkili və təlim texnologiyaları üzrə prorektor vəzifəsini icra edən Zaur Məmmədov məlumat verib. O bildirib ki, 2024/2025-ci tədris ilinin payız semestrinin imtahan sessiyası əyani təhsilalma forması üzrə bаkаlаvriat və magistratura səviyyələrinin tədris qrupları üçün 06.01.2025-ci il tarixindən 01.02.2025-ci il tarixinədək, qiyabi təhsilalma forması üzrə bаkаlаvriat səviyyələrinin tədris qrupları üçün 06.01.2025-ci il tarixindən 11.01.2025-ci il tarixinədək keçiriləcək. Qiyabi təhsilalma forması üzrə təhsil alan sonuncu tədris ili tələbələrinin imtahan sessiyasın sonuncu imtahan həftəsində (27 yanvar-01 fevral) təşkil olunacaq. Bütün fаkültələr üzrə imtаhаnlаr 2 növbəli olmaqla sааt 09:00-dа bаşlаyıb və saat 11:30-da 1-ci növbə, saat 14:00- da başlayıb 16:30-da 2-ci növbə sona çatacaq. 

Sеssiyаnın gеdişi zаmаnı imtаhаnlаrın nəticəsindən yаrаnа biləcək nаrаzılıqlаrın və şikаyətlərin mövcud qаydаdа аrаşdırılmаsı və müvafiq qərar qəbul edilməsi məqsədilə Apellyasiya komissiyaları və Оpеrаtiv Qərаrgаh yaradılıb. “2024-cü ildə doktoranturaya qəbul və dissertanturaya təhkim olunmuş şəxslərin dissertasiya mövzuları və elmi rəhbərlərin təsdiqi” barədə Elm və innovasiya məsələləri üzrə prorektor dos. Elvin Əliyevin məlumatı dinlənilib.

Maliyyə, mühasibat və təminat mərkəzinin direktoru (baş mühasib) Rəşad Rzazadə “Universitetin 2025-ci təqvim ili üçün smeta və ştat cədvəlinin təsdiqi” barədə şura üzvlərini məlumatlandırıb. Müzakirədən sonra 2025-ci il üçün LDU-nun gəlir və xərclər smetası, ştat cədvəli təsdiq edilib. Universitetin Elmi və Tədris Metodiki Şurasında baxılan işlərin müzakirəsi ilə bağlı baş elmi katib dos. Allahşükür Quliyev açıqlama verib.

Elmi şurada cari məsələlərə də baxılıb və müzakirə olunan bütün məsələlər barədə qərar qəbul edilib.