Xaricdə aldığı fəlsəfə doktoru elmi dərəcəsi sənədini tanıdanların sayı açıqlanıb

2024-cü ildə xarici ölkələrdə verilmiş fəlsəfə doktoru elmi dərəcəsi sənədlərinin tanınması statistikası açıqlanıb.

“Azərbaycan müəllimi” xəbər verir ki, bu barədə Azərbaycan Respublikasının Prezidenti yanında Ali Attestasiya Komissiyası məlumat yayıb.

Qeyd edilib ki, ötən il ərzində xarici ölkələrdə verilmiş fəlsəfə doktoru elmi dərəcəsi ilə bağlı sənədlərinin tanınması məqsədilə ən çox müraciəti iqtisad elmləri üzrə elmi fəaliyyətlə məşğul olanlar ediblər. Bu sahə üzrə 13 alimin aldığı sənəd Azərbaycanda tanınıb. 

Ümumilikdə isə 2024-cü ildə xaricdə fəlsəfə doktoru elmi dərəcəsi alan 37 nəfərin sənədi tanınıb.

Bundan əlavə, riyaziyyat, kimya, aqrar, əczaçılıq, tarix üzrə 1, fizika, siyasi elmlər üzrə 2, texnika, hüquq elmləri üzrə 4, tibb elmləri üzrə 7, iqtisadi elmlər üzrə 13 nəfərin sənədi tanınıb.

Mexanika, astronomiya, biologiya, aqrar elmlər, milli təhlükəsizlik, psixologiya, fəlsəfə və bir sıra sahələr üzrə isə tanınma ilə bağlı müraciətlər qeydə alınmayıb.