Süni zəka insanın karyera potensialını təyin edir

Süni zəka insanın karyera potensialını təyin edir

Qlazqo Universitetinin tədqiqatçıları bir foto əsasında insanın karyera uğurunu qiymətləndirə bilən süni zəka sistemi hazırlayıblar. 

“Azərbaycan müəllimi” xəbər verir ki, alqoritm üz ifadəsi və üz cizgilərini analiz edərək insanın karyera pilləsində nə qədər irəliləyə biləcəyini proqnozlaşdırır. Tədqiqat şəxsiyyətin 5 əsas xüsusiyyətindən ibarət populyar modelə əsaslanır. Açıqfikirlilik, vicdan, ekstraversiya (ünsiyyətcillik), mehribanlıq, nevrotiklik (emosional sabitlik). Bu model insanın yeni təcrübələrə açıqlığını, nizam-intizamını, sosiallığını, empatiya qabiliyyətini və emosional sabitliyini qiymətləndirmək üçün istifadə olunur.    
  
Bu parametrlər insanın bilik əldə etməyə nə dərəcədə maraqlı olduğunu, işlərində nə qədər dəqiq və nizamlı olduğunu, sosial aktivliyini, ətrafdakılara qarşı həssaslığını və stressə dözümlülüyünü müəyyən etməyə kömək edir. Araşdırma şəxsiyyət xüsusiyyətləri ilə peşəkar və akademik uğurlar arasında əlaqəni ortaya çıxarıb. Emosional cəhətdən qeyri-sabit insanlar yüksək maaşlı vəzifələrdə daha az təmsil olunurlar.  

Nizam-intizamın və təşkilatçılıq qabiliyyətinin olmaması aparıcı universitetlərə qəbul şansını azaldır. Bu metod üz təsvirlərini əhatə edən böyük məlumatlar bazası əsasında öyrədilmiş neyron şəbəkələrinə əsaslanır. Bu şəbəkələr insan simasındakı incə nümunələri müəyyən etməyi öyrənir və onları fərqli şəxsiyyət xüsusiyyətləri ilə əlaqələndirirlər. Araşdırmalar göstərir ki, həm genetika, həm də erkən həyat təcrübəsi insanın üz quruluşuna və şəxsiyyətinə təsir edir. Bu, müəyyən üz cizgilərinin niyə spesifik xarakter xüsusiyyətləri ilə əlaqəli ola biləcəyini izah edir.