"Şən uşaqlar" layihəsi uğurla davam etdirilir

"Şən uşaqlar" layihəsi uğurla davam etdirilir

"Şən uşaqlar" layihəsi Şəmkir rayonu Ə.Cəmil adına Zəyəm qəsəbə tam orta ümumtəhsil məktəbində uğurla davam etdirilir.

“Azərbaycan müəllimi” xəbər verir ki, "Şən uşaqlar" icma əsaslı məktəbəqədər təhsil qrupunda layihənin məqsədinə uyğun olaraq uşaqların zehni və psixi inkişafı, eləcə də ətraf mühitə sosial adaptasiyanın ən mükəmməl formada inkişaf etməsi istiqamətində 2-5 yaşlı uşaqlara qeyri-ənənəvi təhsil metodları, maraqlı öyrənmə ilə özlərini xoşbəxt hiss edəcəkləri bir mühit təqdim edilir.

Təlimçi-mentor, pedaqoq Dilbər Tofiqqızı və psixoloq-loqoped Zeynəb Abbasova tərəfindən uşaqların inkişafına dəstək istiqamətində valideyn və tərbiyəçi-müəllimlərə təlimlər keçirilir.

Xatırladaq ki, layihə Şəmkir rayonunda Ülviyyə Cəlilova tərəfindən icra edilir. Qrant proqramının həyata keçirilməsində əsas məqsəd 2024–2025-ci tədris ilində müəyyən səbəblərdən məktəbəqədər təhsildən kənarda qalmış uşaqları alternativ yollarla məktəbəqədər təhsilə cəlb etməkdən ibarətdir.