TƏHSİLİN İNKİŞAFI: İSLAHATLARLA FORMALAŞAN GƏLƏCƏK NƏSİL

TƏHSİLİN İNKİŞAFI: İSLAHATLARLA FORMALAŞAN GƏLƏCƏK NƏSİL

Xülasə. Məqalədə Azərbaycan Respublikasının təhsil siyasətində gənclərin inkişafına verilən önəm və dövlətin bu sahədə atılan addımlarından bəhs edilir. Ümummilli Lider Heydər Əliyev tərəfindən Azərbaycanda gənclərin təhsili və inkişafı sahəsində əsaslı islahatlar həyata keçirilmiş və Azərbaycan Respublikasının Prezidenti İlham Əliyevin rəhbərliyi ilə uğurla davam etdirilən bu təhsil siyasətinin əsas məqamları qeyd edilmişdir. 

Açar sözlər: təhsil və inkişaf, dövlət quruculuğu, idarəetmə islahatları, karyera perspektivləri, kadr ehtiyatı 

Giriş

Azərbaycanın müasir inkişafının əsasını təşkil edən təhsil sahəsində Ümummilli Lider Heydər Əliyevin böyük rolu olmuşdur. Gənclərə diqqət və qayğı Heydər Əliyevin hakimiyyəti dövründə həyata keçirilən siyasətin əsas istiqamətlərindən biri olmuşdur. Ümummilli Lider Heydər Əliyev və Azərbaycan Respublikasının prezidenti İlham Əliyev gənclərin təhsili və inkişafı sahəsində bir sıra mühüm addımlar atmış,onları dəstəkləmək üçün müxtəlif proqramlar və təşəbbüslər irəli sürmüşlər. 

Azərbaycanın Gənclər Siyasəti Və Təhsil İslahatları 

Bu istiqamətdə inkişafa böyük töhfə verməklə Heydər Əliyev gənclərin həyatımızın bütün sahələrində iştirakının yüksək səviyyədə təmin edilməsinə nail olmuşdur. Heydər Əliyevin şəxsi təşəbbüsü və qayğısı sayəsində yeni tədris ocaqları açılmış, azərbaycanlı gənclərin ali təhsil almasına, yüksəkixtisaslı mütəxəssis kimi hazırlanmasına imkan və şərait yaradılmışdır. İstedadlı gənclərə diqqət və qayğını artırmaq üçün Heydər Əliyevin “Azərbaycan Respublikasının istedadlı gənc yazıçılarına dövlət qayğısının artırılması haqqında” 6 dekabr 1999-cu il tarixli və “Azərbaycanın gənc istedadlarına dövlət qayğısı haqqında” 22 iyun 1996-cı il tarixli fərmanları bu qayğının bariz təcəssümüdür. Ümummilli Liderimiz Heydər Əliyevin gənclər siyasəti onun layiqli davamçısı, dövlət başçısı İlham Əliyev tərəfindən uğurla həyata keçirilir. Ölkə Prezidenti gənclərimiz üçün təhsilin vacib olduğunu hər zaman vurğulayıb. Məhz bu siyasətin nəticəsində Azərbaycanda “2007 – 2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” qəbul edilmiş və bu gün də uğurla həyata keçirilir [1]. 

Ölkədə ilk dəfə “Gənclər üçün Prezident Mükafatı”nın təsis edilməsini Prezident İlham Əliyevin gənclərə yüksək dəstək verməsinin göstəricisi kimi hesab edirik. Gənc nəslin inkişafının əsas vasitəsi gənclərin dövlətin və cəmiyyətin sosial-iqtisadi, ictimai-siyasi həyatında iştirakının təmin edilməsidir [2]. 

Bu gün Azərbaycan gəncliyi ictimai həyatın bütün sahələrində kifayət qədər fəaldır. Əsasən də, beynəlxalq əlaqələrimizin günü-gündən genişlənməsi, əldə edilən uğurlar bunun göstəricidir. Respublikamızın müxtəlif bölgələrində olimpiya komplekslərinin, gənclərin asudə vaxtlarını səmərəli keçirməsi məqsədilə gənclər evlərinin, karyera mərkəzlərinin açılması, idmançılarımızın olimpiya və dünya çempionatlarında çıxışları, ölkənin nüfuzlu müxtəlif beynəlxalq tədbirlərə ev sahibliyi etməsi bunun əyani sübutudur [3]. Azərbaycanın ev sahibliyi etdiyi belə tədbirlərdən biri də COP 29- Birləşmiş millətlər təşkilatının iqlim dəyişiklikləri üzrə çərçivə konvensiyasının tərəflər konfransıdır. COP 29 Azərbaycan təhsilinə daha dərindən inteqrasiya etmək,gəncləri iqlim problemləri ilə bağlı məlumatlı,ölkənin ekoloji gələcəyinə müsbət təsir göstərmək üçün unikal fürsətdir[4]. Cop 29 və digər iqlim zirvələri iqlim savadlılığının təhsildəki rolunu vurğulayır. Gələcək nəsillərin iqlim dəyişiklikliyinin səbəbləri və nəticələri haqqında daha çox məlumat əldə etməsi,onların ekoloji şüurlarının inkişaf etdirilməsi və bu bilikləri gündəlik həyatlarında tətbiq etmələri çox vacibdir. Bu məktəblərdə və universitetlərdə tədris edilən proqramlar vasitəsilə həyata keçirilə bilər.

Təhsil siyasətinin karyera perspektivləri

Təhsil siyasəti, gənclərin gələcək karyera perspektivlərini formalaşdıran mühüm faktordur.Bu siyasətin məqsədi gəncləri əmək bazarına uğurla inteqrasiya etmək,onların karyera yollarına təkan vermək və yüksəkixtisaslı mütəxəssislər yetişdirməkdir.Cənab Prezidentin imzaladığı fərman və sərəncamların əksəriyyətinin gənc, potensiallı kadrların bu prosesdə fəal iştirakına, idarəetmə sisteminin təkmilləşdirilməsinə yönəldilməsi müşahidə edilir. Ölkə gənclərinin hərtərəfli inkişafına  yüksək səviyyədə diqqət və qayğı göstərən Prezident İlham Əliyevin 2019-cu il 26 iyul tarixli Sərəncamı ilə “Yüksəliş” müsabiqəsi təsis edilib. Bu müsabiqənin əsas məqsədi intellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsi, dəstəklənməsi və ölkədə kadr ehtiyatı bankının yaradılmasıdır [5]. Bu baxımdan, sözügedən müsabiqənin fərqlənən gənc mütəxəssislər üçün məsul vəzifələrə təyin olunmaqda və onların qarşısısında geniş perspektivlərin açılmasında bir vasitə olduğunu hesab edirik. 

                                                                  Nəticə

Beləliklə, Heydər Əliyevin hakimiyyətdə olduğu illərdə, həmçinin onun davamçısı cənab İlham Əliyevin rəhbərliyi dövründə ölkəmizdə gənclərin təhsili və inkişafı sahəsində atılan addımlar onların gələcəkdə ölkə üçün faydalı yüksək mütəxəssisli şəxslər olmasına şərait yaradır.Dövlətin bu istiqamətdəki siyasətləri, gənclərin potensialını tam şəkildə üzə çıxararaq, Azərbaycanın dünyada daha güclü və inkişaf etmiş bir ölkəyə çevrilməsinə xidmət edir. Bu siyasətin davam etdirilməsi ölkəmizin nüfuzunun beynəlxalq səviyyədə genişlənməsinə zəmin yaradacaq.

İstifadə edilmiş ədəbiyyat siyahısı

1. Heydər Əliyev siyasi kursu Azərbaycanın davamlı inkişafının, müstəqil dövlətimizin əbədiyaşarlığının təminatçısıdır . Azərbaycan qəzetinin və Azərbaycan Respublikasının Prezidenti yanında Strateji Araşdırmalar Mərkəzinin birgə təşkilatçılığı ilə keçirilmiş Ümummilli Lider Heydər Əliyev – 90 mövzusunda konfrans. Rauf Mərdiyev [Elektron resurs] / Azərbaycan.-2013.- 28 fevral.- S.5;7. URL: http://www.anl.az/down/meqale/azerbaycan/2013/fevral/296709.htm
2. Gənclər siyasətinin əsas istiqamətləri.

URL:https://xidmet-is.az/fealiyyet-istiqametleri/gencler-siyaseti/10-gencler-siyaseti/

1. Bədən tərbiyəsi və idman günü münasibəti ilə bir sıra tədbirlər keçirilmişdir: [Elektron resurs] / – 05 mart, 2013. URL: http://khatai-ih.gov.az/az/news/82.html

     4. https://tehsil.biz

     5. İlham Əliyev gənclərin ən böyük dostu və himayədarıdır. Rəşad Baxşəliyev - Azərbaycan   [Elektron resurs] / 3 fevral, 2019.URL:https://www.azerbaijan-news.az/posts/detail/ilham-eliyev-gencliyin-en-boyuk-dostu-ve-himayedaridir-162075

Mənzər Süleymanova

Azərbaycan/ Bakı;

   E-mail:

[email protected]