Elm və təhsil sahəsində Qazaxıstanla 40 saziş imzalanıb

Elm və təhsil sahəsində Qazaxıstanla 40 saziş imzalanıb 

Dünən ölkəmizin səfiri və baş naziri burada idi. Müzakirələr çox yaxşı şəraitdə keçdi. Elm və təhsil sahələrində 40 mühüm saziş imzalandı.

“Azərbaycan müəllimi” xəbər verir ki, bunu Azərbaycanda səfərdə olan Qazaxıstanın elm və ali təhsil naziri Sayasat Nurbek jurnalistlərə açıqlaması zamanı deyib.

O bildirib ki, Azərbaycan Respublikasının Prezidenti yanında Ali Attestasiya Komissiyası ilə saziş imzalanıb.

“Artıq alimlərimiz hər iki ölkənin jurnallarında məqalələrini dərc etdirə biləcək, elmi materialları mübadilə edəcək və birgə tədqiqatlar aparacaqlar”.

Nazir əlavə edib ki, təhsil imkanlarının genişləndirilməsi məqsədilə Azərbaycan və digər ölkələrdən olan tələbələr üçün təqaüd proqramları və universitetlər arasında əməkdaşlıq razılaşmaları əsasında təqaüd proqramları və akademik mübadilə, tələbə və elmi mütəxəssislərin təcrübə və bilik mübadiləsini artıracaq:

“Alimlər üçün birgə fond yaradılması isə elmi araşdırmalar və layihələr üçün yeni imkanlar təqdim edir”.