- 115
- 22 Noyabr 2024 01:50

Lənkəranda zona fənn olimpiadası keçiriləcək
- 26 Fevral 2025 11:23 |
- Kateqoriya : TƏHSİL XƏBƏRLƏRİ |
- 33
Lənkəranda zona fənn olimpiadası keçiriləcək
Lənkəran Dövlət Universiteti və Lənkəran-Astara Regional Təhsil İdarəsinin birgə təşkilatçılığı ilə zona fənn olimpiadası keçiriləcək.
İdarədən "Azərbaycan müəllimi"nə verilən məlumata görə, olimpiadada ümumtəhsil müəssisələrinin IX, X və XI sinif şagirdləri fizika, riyaziyyat, informatika, kimya, biologiya və coğrafiya fənləri üzrə biliklərini sınayacaqlar.
Olimpiada aprelin 6-da Lənkəran Dövlət Universitetində keçiriləcək. Qeydiyyatdan keçmək istəyən şagirdlər təhsil aldıqları məktəblərin rəhbərlərinə fevralın 28-dək müraciət etməlidirlər.
Olimpiadada 26-30 bal toplayan şagirdlər I, 22-25 bal toplayanlar II, 16-21 bal toplayanlar III yerə sahib olacaqlar.
Olimpiadanın nəticələri Lənkəran Dövlət Universitetinin rəsmi veb-saytında (www.lsu.edu.az) elan ediləcək.