- 215
- 07 Mart 2025 16:08

Mingəçevirdə Regional Universitet–Sənaye Birliyi Sammiti keçiriləcək
- 08 Avqust 2025 10:53 |
- Kateqoriya : TƏHSİL TƏDBİRLƏRİ |
- 35
Mingəçevirdə Regional Universitet–Sənaye Birliyi Sammiti keçiriləcək
Oktyabrın 24-də Mingəçevirdə Regional Universitet–Sənaye Birliyi Sammiti baş tutacaq. Tədbir Mingəçevir Dövlət Universiteti, HBN Group və Azərbaycan-Türkiyə İş Adamları Birliyinin təşkilatçılığı ilə keçiriləcək.
Universitetdən “Azərbaycan müəllimi”nə verilən məlumata görə, sammit universitetlərlə sənaye müəssisələri arasında əməkdaşlığın təşviqi, gənclərin iş dünyası ilə əlaqələrinin genişləndirilməsi və regionlarda insan kapitalının inkişafı məqsədini daşıyır.
Tədbirdə iri şirkətlər, dövlət qurumları, banklar, startaplar və ali təhsil müəssisələrinin nümayəndələri ilə yanaşı, tələbələr də iştirak edəcək. Sammit çərçivəsində karyera sərgisi, startap təqdimatları, panel müzakirələri və şəbəkələşmə imkanları nəzərdə tutulur.
Mingəçevir Dövlət Universitetinin rektoru Anar Eminov bildirib ki, “Regiondan qlobala” konsepti ilə keçiriləcək tədbir region universitetləri ilə istehsalat və xidmət sahələri arasında əməkdaşlığa ciddi töhfə verəcək. Onun sözlərinə görə, tədbirdə 100-dən artıq müəssisənin iştirakı və on mindən çox iştirakçı gözlənilir.
Sammit ölkədə təhsil və iqtisadiyyat arasında əlaqələrin möhkəmləndirilməsinə xidmət edən əhəmiyyətli bir platforma kimi qiymətləndirilir.