NDU-da müasir tədris və innovasiya ilə bağlı təlimlərə başlanılıb

Naxçıvan Dövlət Universiteti Texnoloji transfer və innovasiyalar sektoru və İnnovasiya Mərkəzinin təşkilatçılığı ilə NDU-nun nəzdində fəaliyyət göstərən gimnaziyanın şagirdləri üçün “Gələcəyin texnologiyasına addım” mövzusunda STEAM təlimi keçirilib.

Universitetdən "Azərbaycan müəllimi"nə bildirilib ki, təlimin keçirilməsində məqsəd şagirdlərdə STEAM dünyasına maraq oyatmaq, bacarıqlı yeniyetmələrin suallarını cavablandırmaq, bu istiqamətdə keçirilən müsabiqələrdə iştirak etmək üçün maarifləndirici məlumatlar vermək və növbəti mərhələlər üçün yeni ideyalar formalaşdırmaqdan ibarət olub. Bir neçə formatda və intensiv keçirilməsi nəzərdə tutulan təlimin birinci mərhələsi Azərbaycan İnnovasiya Mərkəzinin mütəxəssisi Elsun Cəfərov tərəfindən keçirilib, şagirdlərin maraq və ilkin təəsüratını müəyyənləşdirəcək müzakirələr aparılıb.

Məktəbdə yaranan ideyaların innovasiya ekosisteminə qoşulması, müəllim-şagird-innovasiya əlaqələrinin qurulması, müəllimlərin “gələcəyin startap mentorları”na çevrilməsi və digər mövzular beynəlxalq hadisələr əsasında təsvir olunub. Təlimin əsas modulları aşağıdakı kimi müəyyənləşdirilib:

– STEAM & Startap anlayış körpüsü

– İdeyadan prototipə (mini workshop)

– Real startap nümunələri və şagird potensialı

– Mentorluq mexanizmi – müəllimin rolu

– “Ekosistem xəritəsi” – şagirdlər hansı halda hara yönləndirilir?

Sual-cavab əsasında reallaşan yekun diskussiya şagirdlərin gələcək görüşlərə olan marağını artırın, keçiriləcək təlimlərin növbəti mövzularının müəyyənləşməsində birgə fikir formalaşıb.