RFO-nun informatika fənni üzrə nəticələri elan edildi

10–11 yanvar tarixlərində Respublika fənn olimpiadalarının informatika fənni üzrə rayon (şəhər) turu onlayn formatda təşkil edilib.

"Azərbaycan müəllimi" xəbər verir ki, Respublika fənn olimpiadaları şagirdlərdə informasiya-kommunikasiya texnologiyaları sahəsinə marağın artırılmasında, həmçinin bu istiqamət üzrə istedadlı və perspektivli şagirdlərin aşkara çıxarılmasında mühüm rol oynayır.

Rayon (şəhər) mərhələsinin nəticələrinə əsasən avtomatik plagiat yoxlama sistemindən keçə bilməyən həllər tamamilə sıfırlanıb. Keçid balı VIII siniflər üzrə 1+, IX, X və XI siniflər üzrə isə 100+ olaraq müəyyən edilib. Beləliklə, VIII siniflərdə həll göndərərək bal toplayan şagirdlər, IX–XI siniflərdə isə ən azı bir tapşırıqdan tam bal əldə edən şagirdlər növbəti mərhələdə iştirak hüququ qazanıblar.

Olimpiadanın nəticələri yaxın günlərdə portal.edu.az platformasında şagirdlərin şəxsi kabinetlərinə əlavə olunacaq.

Nəticələrlə bağlı müraciətlər 3 iş günü ərzində, yəni 23 yanvar saat 17:00-dək, [email protected] elektron poçt ünvanı vasitəsilə qəbul edilir.

Müvafiq keçidə daxil olmaqla nəticələr ilə tanış ola bilərsiniz.