“School shop: Məktəbli Sahibkarları üçün Elektron Ticarət Platforması” qrant layihəsi çərçivəsində açılış mərasimi keçirilib

“School shop: Məktəbli Sahibkarları üçün Elektron Ticarət Platforması” qrant layihəsi çərçivəsində açılış mərasimi keçirilib.

Layihə çərçivəsində məktəblilərə elektron ticarət, sosial media marketinqi və məhsulların təqdimatı sahəsində müasir yanaşmalar öyrədilir. Şagirdlərə rəqəmsal sahibkarlığın əsasları, reklam kampaniyalarının təşkili, eləcə də sosial məsuliyyət mövzularında nəzəri və praktik biliklər aşılanır. Eyni zamanda məktəb daxilində sərgi təşkil olunacaq, sərgidə şagirdlərin hazırladıqları məhsullarla yanaşı, yerli icma üzvlərinin əl işləri də nümayiş etdirilərək satışa çıxarılacaq.

Qeyd edək ki, “School Shop: Məktəbli Sahibkarları üçün Elektron Ticarət Platforması” qrant layihəsi Baxşıyev Sevman tərəfindən Astara şəhər 5 nömrəli tam orta məktəbində həyata keçirilir. Layihənin əsas məqsədi məktəblilərə elektron ticarət və rəqəmsal sahibkarlıq bacarıqları qazandırmaq, eyni zamanda “School Shop” platforması vasitəsilə məktəb və icma məhsullarının tanıdılması və satışının təşkil olunmasından ibarətdir.